Тыдзень роднай мовы і культуры "Родная мова: размаўляем, дбаім, паважаем"

Першы дзень - Пазнавальная праграма «Верай і праўдай прайшоў праз эпоху» к 125- годдзю К. Крапівы,       віктарына «Знакамітыя людзі Беларусі»;

Другі дзень - Пазнавальная экскурсiя «Славутыя iмены Бацькаўшчыны – Уладзiмiр Караткевiч», майстар-клас «Беларуская набойка» у рамках выхаваўча-адукацыйнага праекта «Мая радзіма - маё натхненне», пляцоўка-вопыт па правядзенню інтэлектуальнай гульні «Беларускі КВіз» сумесна з Белдзяржмузеем народнай архітэктуры і побыту;

Трэці дзень - Майстар-клас па харэаграфіі «Погляд дзяцей на беларускія традыцыі», канцэртная праграма «Песні Беларусі»;

Чацверты дзень - III адкрыты конкурс апавядальнікаў беларускай народнай прозы «Кацігарошак», майстар-клас па вырабу паштоўкі «Зямля пад белымі крыламі» у тэхніцы квілінг, майстар-клас «Выраб паштоўкі беларускага традыцыйнага арнаменту»;

Пяты дзень - II Адкрыты чэмпіянат па інтэлектуальнай гульні «Беларускі КВіз», інклюзіўная гасцёўня «Раз_МОВА»;

Шосты дзень - Інтэрактыўная экскурсія «У сэрцы мы тваім жывем»; майстар-клас «Мова ў народных гульнях»;

Сёмы дзень - Літаратурнае падарожжа «Ад прадзедаў спакон вякоў нам засталася спадчына», творчая пляцоўка «Партрэт роднай зямлi», акцыя «Родныя словы», гульня-розыгрыш у Instagram «Хачу Ветразёўніка».

Асобна хочацца адзначыць пра III адкрыты конкурс апавядальнікаў беларускай народнай прозы «Кацігарошак». Конкурс сабраў больш за сорак удзельнікаў з розных устаноў адукацыі г. Мінска. Кожны апавядальнік паказаў арыгінальнасць сцэнічнага касцюма і сваю манеру аповяду.

Другое мерапрыемства, якое сабрала шмат вучняў старэйшых класаў з усяго Мінска – II адкрыты чэмпіянат па інтэлектуальнай гульні «Беларускі КВіз». Гульня паказала вялікую зацікаўленасць сярод падлеткаў, тым самым папулярызавала родную мову.

Тыдзень роднай мовы і культуры прайшоў на адным дыханні і быў даволі насычаным і разнастайным. Мерапрыемствы атрымалі пазітыўны водгук ад наведвальнікаў. Прыемна ўразіў даволі масавы ўдзел дзяцей і падлеткаў, іх зацікаўленасць.

Такім чынам, мерапрыемствы ў рамках тыдня роднай мовы і культуры набываюць вялікую значнасць і шырокую геаграфію ўдзельнікаў. Кожная праграма тыдня была пранізана святочным настроем і мелагучнасцю мовы. Можна смела сцвярджаць, беларускае слова гучна лілося па цэнтры «Ветразь».

Прысутныя  не толькі пазнаеміліся з такой традыцыйнай тэхнікай, як набойка, але і аздобілі свое торбачкі (экасумкі, шоперы)  беларускімі літарамі, словамі, сказамі. Усе працы атрымаліся вельмі прыгожымі і неардынарнымі.

У мерапрыемстве прынялі ўдзел 14 каманд устаноў адукацыі з горада Мінска: СШ № 62, 134, 194, 1, 36, 24, 22, 110, 89, 130, 118, 97, гімназія № 35 і ЦДАДіМ «Эврика».

Інтэлектуальную гульню праводзілі – Друпаў А.Ю., вядучы навуковы супрацоўнік Музея народнай архітэтуры і побыту і Шавела М.І., педагог дадатковай адукацыі цэнтра «Ветразь»

Пераможцы II Адкрытага чэмпіяната па інтэлектуальнай гульні «Беларускі КВіз»:

1 месца – каманда «Не маўчым па-беларускі» (ДУА «Сярэдняя школа № 1 г.Мінска»);

2 месца – каманда «Нашчадкі» (ДУА «Сярэдняя школа № 24 г.Мінска»);

2 месца – каманда «Римский-Корсаков» («ЦДАДіМ «Эврика» г.Мінска»);

3 месца – каманда «Гумавыя боты» (ДУА «Гімназія № 35 г.Мінска»);

3 месца – каманда «Маладосць» (ДУА «Сярэдняя школа № 22 г.Мінска»).

Для сваіх навучэнцащ педагогі рыхтуюць шэраг цікавых мерапрыемстваў, а самі вырашылі адзначыць свята паходам у Нацыянальную бібліятэку Беларусі. 16 лютага 2021 года супрацоўнікі цэнтра «Ветразь»  наведалі экскурсію «Славутыя імёны Бацькаўшчыны», якая праводзіцца па творчасці любімага ўсімі беларусамі паэта, пісьменніка, драматурга - Уладзіміра Сямёнавіча Караткевіча.

Экскурсанты пазнаёміліся з архітэктурай і мастацкім афармленнем бібліятэкі, сістэмай замовы, дастаўкі і выдачы літаратуры, наведалі музей кнігі і літаратурна-мастацкую выставу «Княства вобразаў і слоў», прысвечаную Уладзіміру Караткевічу.

Частка экскурсіі прайшла ў выглядзе інтэрактыўных заняткаў, падчас якіх госці пазнаёміліся з цікавымі фактамі з жыцця Уладзіміра Сямёнавіча, пагарталі першыя выданні яго твораў, якія захоўваюцца ў фондах Нацыянальнай бібліятэкі Беларусі, а таксама кнігі нашага славутага земляка, выдадзеныя ў апошнія гады.

У канцы экскурсіі госці падняліся на аглядную пляцоўку і палюбаваліся Мінскам з вышыні птушынага палёту.

Тыдзень беларускай мовы і культуры «Беларуская мова: размаўляем, дбаiм, паважаем» у цэнтры «Ветразь» працягваецца.

Сачыце за нашымі мерапрыемствамі на тэматычным сайце http://tk.oktcvr.minsk.edu.byі ўInstagram «Vetraz_official»,Telegram, YouTube каналах цэнтра «Ветразь» і далучайцеся!