23 лістапада ў Мінскім гарадскім палацы культуры адбыўся вечар традыцыйнага беларускага танца з удзелам фальклорнага калектыва «Мілавіца», ансамбля народнай музыкі «Вербіца», ансамбля народнай песні і музыкі «Шчодрыца». Кожны калектыў паказаў сваю непаўторную праграму з адметнымі рэгіянальнымі побытавымі танцамі. Увогуле вечарына прайшла ў сяброўскай абстаноўцы, усе жадаючыя далучаліся да развучвання новых танцавальных рухаў, а таксама разам спявалі прыпеўкі да танцаў.